EUREKA! Nasarakankan, wen nasarakakon ti bagik iti Ilocano American Association of Nevada (IAAN) kalpasan iti nasurok a dua a tawen a kaaddak ditoy sirok ti disierto iti sursurotek nga init.
Kas iti Hawaii a nagnaedak iti nasurok a 52 a tawen ken kaaddak iti Hawaii Filipino community a kas maysa a community organizer ken volunteer a pakairamanan iti United Filipino Council of Hawaii, Oahu Filipino community, Lions Club International, Knights of Rizal, Gumil, Tri media council , Neighborhood boards ken dadduma pay. Ken kangrunaanna iti simbaan iti St. Paul’s church
Pakadayawan ti biang iti kalawa ti ridaw ti IAAN ta inawatdak a kas naananaya kameng itay Abril 2025.
Kas maysa kadagiti board of directors adu met pay ti kayatko nga adalen ken maamuan maipapan iti IAAN tapno saanak nga aglabsing kadagiti pagalagadan ket mabalinko met nga ipakat ken isingay dagiti bukodko a padas ken panangidalan iti maysa a gunglo.
Agyamanak iti panagtalek a naited kaniak aglalo iti panagtalek ni Presidente Olympia Reantillo Ramones, tubo iti Laoag ken Luna Isabela, ta babaen iti awisna iti panagkamengko maikkanak iti gundaway a makikameng itoy nadayaw ken maibilang a maindaklan a gunglo dagiti aganay 900 a kameng.
Naigasatak metten a naam-ammo dagiti dadduma a pondador ken dagiti pasado presidente.
Nabangon ti IAAN idi Pebrero 1993 ket naam-ammok a personal ni Apo Marcelo Ayuste immuna a Presidente.
Dagiti agdama nga opisiales ti IAAN 2025-2026: Olympia Reantillo Ramones, presidente; Margie Antonio, first vice president; Dr. Marizel Yukee second vice president; Marilou Quiacusan, sekretaria; Donna Inhaber, tesorera; Asela Engel, assistant treasurer; Resty Lopez, auditor; Radelson Yukee, sarhento;
Cynthia Deriquito, PRO; Estrelita Rodriguez, PRO; Elizabeth Bennett, PRO.
Board of Directors da Luz Tudla Prill, Ron Sumbang, Cynthia Landeros, Amado I Yoro, Marieson Ebueng.
Board of Advisors: Marcelo Ayuste, Manuel Dumo Sr, Victor Baula, Rozita Lee,
Amie Belmonte, Fely Dumo, Leon E. Mandarang, Steve Escalona, Carlos Martin, Leo Belmonte, Alex Pena, Abraham Velasco, Madeline Mendoza, Ferdinand Ponce.
Panagkaykaysa ken panangbigbig ken ni Ilokano kas nadayaw a puli ti kangrunaan a panggep ti I AAN kas nabileg a grupo ken naindaklan a timek iti Nevada.
